ՌԴ նախագահ Վլադիմիր Պուտինը Պետական դումայի վավերացմանն է ուղղել Ռուսաստանի Դաշնության և Հայաստանի միջև ռազմատեխնիկական համագործակցության զարգացման պայմանագիրը, հայտնում է Կրեմլի պաշտոնական կայքը։
Պետության ղեկավարի հրահանգով, Դաշնային ժողովի պալատներում պայմանագրի վավերացման մասին դաշնային օրենքի նախագծի դիտարկման պաշտոնական ներկայացուցիչ է նշանակվել Պաշտպանության նախարարի տեղակալ, պետական քարտուղար Նիկոլայ Պանկովը։
2013 թվականի հունիսի 25–ին ստորագրված Պայմանագրի առարկան կողմերի միջև ռազմական նշանակության արտադրանքի մատակարարումների իրականացման կարգն է` ազգային զինված ուժերի, զորամիավորումների, իրավապահ մարմինների և հատուկ ծառայությունների մատակարարման նպատակով։
Պայմանագրի համաձայն, ռազմական նշանակության արտադրանքի մատակարարումները կիրականացվեն կողմերի լիազոր կազմակերպությունների ստորագրած համաձայնագրերով` առանց նշված արտադրանքի ներկրման/արտահանման արտոնագրերի։