Արցախ Հանրապետության նախագահ Բակո Սահակյանը հունվարի 19-ին ընդունել է ԵԱՀԿ-ի գործող նախագահի անձնական ներկայացուցիչ, դեսպան Անջեյ Կասպշիկին: Ինչպես հայտնել է ԼՂՀ նախագահի աշխատակազմի տեղեկատվության գլխավոր վարչությունը, հանդիպման ընթացքում քննարկվել է Լեռնային Ղարաբաղի և Ադրբեջանի Զինված Ուժերի շփման գծում տիրող իրավիճակին առնչվող մի շարք հարցեր: Խոսելով Ադրբեջանի կողմից զինադադարի խախտման կոպիտ խախտումների մասին՝ Բակո Սահակյանը նշել է, որ Բաքվի նմանատիպ քաղաքականությունը վտանգի է ենթարկում խաղաղություն տարածաշրջանում և լուրջ հարված է հասցնում ԵԱՀԿ Մինսկի խմբի միջնորդական ջանքերին: ԼՂՀ նախագահը ընդգծել է Ադրբեջանի քայքայիչ քաղաքականության համապատասխան գնահատականի և այդ ուղղությամբ կոնկրետ քայլեր ձեռնարկելու անհրաժեշտությունը միջազգային հանրության կողմից: