11-08-2016 11:17

ՀՀ ԱԳՆ–ն նոր ղեկավար կունենա

Առաջիկայում նոր կադրային փոփոխություններ են սպասվում: ՀՀ նախագահ Սերժ Սարգսյանը որոշել է արտաքին քաղաքական ոլորտը վստահել իր աշխատակազմի ղեկավար Վիգեն Սարգսյանին, որի՝ ԱԳ նախարար նշանակվելու մասին վաղուցվանից էին խոսում։

Էդուարդ Նալբանդյանը, ըստ այդմ, կվերադառնա իր երազանքների երկիր՝ Ֆրանսիա, որտեղ կփոխարինի դեսպան Վիգեն Չիթեչյանին, որը պատվով կատարեց տեղապահի դերը: 

Իսկ նախագահի աշխատակազմի ղեկավարի պաշտոնը, կզբաղեցնի ԱԱԽ քարտուղար Արմեն Գևորգյանը՝ Ռոբերտ Քոչարյանի աշխատակազմի երկարամյա ղեկավարը։

Այս պարագայում ՀՀ անվտանգության խորհուրդը կմտնի նախագահի աշխատակազմի մեջ, և նախկին կոնֆիգուրացիան կվերականգնվի, իսկ Արմեն Գևորգյանը կհամատեղի աշխատակազմի ղեկավարի և անվտանգության խորհրդի քարտուղարի պաշտոնները։