25-02-2016 09:15

ՀՀ Նախագահի հրամանագրերով նախարարներ են նշանակվել

ՀՀ Նախագահ Սերժ Սարգսյանը հրամանագրեր է ստորագրել նախարարների՝ պաշտոնից ազատման և նշանակման մասին։
Ինչպես հայտնում է ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունը, Արմեն Երիցյանն ազատվել է Հայաստանի Հանրապետության տարածքային կառավարման և արտակարգ իրավիճակների նախարարի պաշտոնից և նշանակվել Հայաստանի Հանրապետության արտակարգ իրավիճակների նախարար:
Դավիթ Լոքյանը նշանակվել է Հայաստանի Հանրապետության տարածքային կառավարման և զարգացման նախարար:
Ի լրումն՝ Նախագահի մեկ այլ հրամանագրով Կարեն Ճշմարիտյանն ազատվել է Հայաստանի Հանրապետության էկոնոմիկայի նախարարի պաշտոնից: Հայաստանի Հանրապետության էկոնոմիկայի նախարար է նշանակվել Արծվիկ Մինասյանը։
Արմեն Աշոտյանն ազատվել է Հայաստանի Հանրապետության կրթության և գիտության նախարարի պաշտոնից:
Հայաստանի Հանրապետության կրթության և գիտության նախարար է նշանակվել Լևոն Մկրտչյանը։