Հանրային խորհրդի անդամ Արշակ Սադոյանը այսօր կայացած ասուլիսին, անդրադառնալով էլեկտրաէներգիայի թանկացման խնդրին, ասաց.
«Հարգելի՝ «Ոչ թալանին» նախաձեռնության անդամներ հանգարծ չզիջեք, անընդհատ պայքարեք, որովհետև ռեալ հնարավորություն կա հաջողության հասնելու համար»: Քաղաքական ուժերը անընդհատ փորձում են այդ երիտասարդներին դեպի իրենց քաշեն, պետք է այնպես անել, որ դա տեղի չունենա, որ Բաղրամյանը չդատարկվի»:
Նա նշեց, որ վեևջին զարգացումները ցույց են տալիս, որ էլ.էներգիայի թանկացումը չհիմնավորված էր:
«Որևէ հիմք չկա, որ Էլեկտրաէներգիայի գինը բարձրանա, հակառակը, այն պետք է իջներ: Համաշխարհային էներգետիկ ոլորտում հեղափոխություն է տեղի ունեցել, նոր էներգակիրներ են հայտնաբերել՝ թերթաքարային գազ և թերթաքարային նավթ: Դա բերում է էներգակիրների գնի նվազման»:
Ի պատասխան Gisher News-ի դիտարկմանը, որ քաղաքական ուժերը ևս պետք է մասնակցություն ունենաին ՀԷՑ-ի աուդիտին, սակայն կարծես թե նման գործընթաց տեղի չունեցավ, Ա. Սադոյանն ասաց.
«Իշխանությունները բոլորովին շահագրգռված չեն, որ քաղաքական ուժերը մասնակցեն այդ աուդիտի գործընթացին: Քսան օր առաջ մենք հրավիրեցինհք Հանրային խորհրդի հանձնաժողովի հատուկ նիստ, հրավիրեցինք Էներգետիկայի նախարարության և հանրային ծառայությունները կարգավորող հանձնաժեղեվի Ռոբերտ Նազարյանի ներկայացուցիչներին՝ ճշտելու համար, թե ինչ աուդիտ պիտի լինի, պարզվեց, որ ներկայիս աուդիտը ՀԷՑ-ի աուդիտը չի:
Հանրային ծառայությունները կարգավորող հանձնաժողովը խորհրդատվական աուդիտ է իրականացնում: Դա վատ չէ, բայց նույնը պետք է ՀԷՑ-ի համար արվի, սակայն չգիտենք՝ արվում է, թե՝ ոչ: Մենք հարցերի ցուցակ կազմեցինք, որոնց պետք է պատասխաներ այդ միջազգային աուդիտ իրականացնողը: Այդ հարցերը ակնկալում են լիարժեք պատասխան, օրինակ՝ թե ինչո՞ւ է Վրաստանում էլեկտրաէներգիայի գինը ավելի ցածր, քան Հայաստանում, այն դեպքում, որ Հայաստանն ատոմակայան ունի:
Այդ քննարկմանը մենք հրավիրել էինք նաև քաղաքական ուժերի ներկայացուցիչների, բայց նրանք չբարեհաճեցին գալ, որովհետև նրանց դարդ ու ցավը նոր Սահմանադրություն թույլ չտալն է, որ Ռոբերտ Քոչարյանին նորից բերեն, նախագահ սարքեն»:
Մարինե Բարսեղյան