Ռուսաստանի և ԱՄՆ նախագահներ՝ Վլադիմիր Պուտինի և Բարաք Օբամայի հանդիպումը տևել է ավելին քան նախատեսվել էր, առաջնահերթ քննարկման թեմաներն են եղել Սիրիան և Ուկրաինան:
Այս մասին լրագրողներին տեղեկացրել է ՌԴ նախագահի մամուլի քարտուղար Դմիտրի Պեսկովը:
«Հանդիպումը տևեց ավելին, քան նախատեսվել էր: Քննարկել են Սիրիայի և Ուկրաինայի հարցը: Դրանից հետո Օբաման Պուտինի հետ նաև դեմ առ դեմ է զրուցել»,-ասել է Կրեմլի ներկայացուցիչը:
Նա հավելել է, որ հանդիպումը լավ է անցել:
«Աշխատանքը շարունակվելու է»,-եզրափակել է Պեսկովը: