Ռուսաստանին «Ինջիրլիք» բազայից օգտվելու թույլտվության հարցով Թուրքիայի հետ պաշտոնական բանակցություններ դեռ չեն ընթանում։ Մոսկվան ռազմաքաղաքական առումով կվերլուծի լրատվամիջոցներով շրջանառվող տեղեկությունները։ Այս մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը։
«Չգիտեմ, զինվորականների գծով արդեն եղել է պաշտոնական շփում, թե ոչ, հասցրել են նրանք վերականգնել այդ շփումը։ Եթե չեմ սխալվում, ոչ։ Մենք այդ հայտարարությունը լսել ենք լրատվամիջոցներից։ Անխոս, դա կարեւոր հայտարարություն է։ Այն պետք է ռազմաքաղաքական առումով վերլուծել, ինչը կանեն մեր պատկան մարմինները»,– ասել է նա։
Ավելի վաղ Թուրքիայի արտգործնախարար Մեվլութ Չավուշօղլուն հայտարարել էր, որ Անկարան կարող է Ռուսաստանին «Ինջիրլիք» ավիաբազան օգտագործելու թույլտվություն տալ ԻՊ–ի դեմ գործողությունների համար։