02-06-2014 18:13

՛՛Օրինաց երկիր՛՛ կուսակցությունը սկսում է ընտրական բարեփոխումների միասնական օրակարգ ձևավորել

Հիմք ընդունելով քաղաքական համակարգի հետագա կատարելագործումը, կարևորելով երկրում ընտրական համակարգի զարգացման հրամայականը՝ «Օրինաց երկիր» կուսակցությունը հայտարարում է, որ սկսում է ընտրական բարեփոխումների շուրջ միասնական քաղաքական օրակարգ ձևավորելու նպատակով կոնսուլտացիաներ խորհրդարանական և արտախորհրդարանական քաղաքական ուժերի և քաղաքացիական հասարակության ներկայացուցիչների հետ՝ ներգրավելով նաև շահագրգիռ տեղական և միջազգային կազմակերպություններին՝ նպատակ հետապնդելով ապահովել միջազգային չափորոշիչներին համապատասխան ընտրական բարեփոխումներ: Այս մասին հայտնում են ՕԵԿ մամուլի ծառայությունից։

100 տոկոս համամասնական համակարգին անցումը և ԵԱՀԿ/ԺՄԻԳ եզրակացությունները վերջին ընտրական գործընթացների վերաբերյալ օրախնդիր են դարձնում մշակել այնպիսի փաստաթուղթ, որն ընդունելի կլինի հասարակական- քաղաքական դաշտի հիմնական դերակատարների համար, ինչպես նաև կապահովի ազատ, մրցակցային, թափանցիկ ընտրությունների անցկացում: