Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում, ուրբաթ ԱԺ–ում կայացած ճեպազրույցի ժամանակ հայտարարեց ՀԱԿ խմբակցության ղեկավար Լևոն Զուրաբյանը:
«Ես վստահ եմ, որ մեր ցուցակը կգլխավորի Լևոն Տեր-Պետրոսյանը: Չեմ կարծում, թե ինչ-որ մեկը կարող է ավելի հարմար թեկնածու առաջարկել», - հայտարարեց Զուրաբյանը:
Զուրաբյանը հաստատեց, որ Տեր-Պետրոսյանը պատրաստ է նորից նախընտրական պայքարի մասնակցել: