ՀՀ վարչապետ Հովիկ Աբրահամյանը ապրիլի 5-ին հեռախոսազրույց է ունեցել Ռուսաստանի Դաշնության վարչապետ Դմիտրի Մեդվեդևի հետ: ՌԴ վարչապետը հաստատել է, որ, ըստ նախնական պայմանավորվածության, 2016 թ-ի ապրիլի 7-8-ը պաշտոնական այցով կլինի Հայաստանում: «Հայաստանի ղեկավարության հետ բանակցությունների ընթացքում ծրագրվում է քննարկել երկկողմ օրակարգին առնչվող մի շարք հարցեր, այդ թվում տնտեսության, էներգետիկայի, արդյունաբերության, տրանսպորտային ենթակառուցվածքների և այլ ոլորտներում համագործակցությունը: Այցի ավարտին` 2016թի ապրիլի 8-ին, Դմիտրի Մեդվեդևը կայցելի Ադրբեջան», նշված է ՌԴ կառավարության հաղորդագրության մեջ:
ՌԴ կառավարության ղեկավարը լուրջ մտահոգություն է հայտնել Լեռնային Ղարաբաղի հակամարտության գոտում իրավիճակի սրման առնչությամբ: Մեդվեդևն ընդգծել է հրադադարի ռեժիմի պահպանման խիստ անհրաժեշտությունը և քաղաքական կարգավորման գործընթացի հնարավորինս արագ վերսկսման կարևորությունը: