ՌԴ ԱԳՆ ղեկավար Սերգեյ Լավրովն ու ԱՄՆ պետքարտուղար Ջոն Քերին կոչ են արել լուրջ ջանքեր գործադրել, որպեսզի Սիրիայում հակամարտության բոլոր կողմերը պահպանեն հրադադարը, հայտնել է Պետքարտուղարության ներկայացուցիչ Ջոն Քիրբին:
«Նրանք համաձայնել են, որ չնայած սկզբնական հաղորդագրությունները հուսադրող են, բայցեւայնպես ապագայում հաջողության համար կարեւոր կլինեն բոլոր կողմերի լուրջ ջանքերը»,- ասել է Քիրբին հայտարարության մեջ, որը Պետքարտուղարությունը:
Նրա խոսքով, Լավրովն ու Քիրբին ողջունել են Սիրիայի հարցով միջազգային խմբի «կառուցողական շփումը» ու նշել, որ բոլոր կողմերը շարունակում են ուշադիր հետևել իրավիճակին ու գնահատել ստացվող հաղորդագրությունները:
«Նրանք նաև հաստատել են, որ վճռական են տրամադրված՝ մարտական գործողությունների դադարեցման ռեժիմի իրականացման ու Սիրիայի բոլոր քաղաքներին անհրաժեշտ հումանիտար օգնություն հասցնելու հարցում»,- ամփոփել էր Պետքարտուղարության ներկայացուցիչը: