ԱՄՆ պետքարտուղար Ջոն Քերրին ապրիլի 25-ին հեռախոսազրույցներ է ունեցել Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի հետ և կոչ է արել Ալիևին և Սարգսյանին պահպանել հրադադարը: Զրույցների ընթացքում նա երկու երկրների առաջնորդների հետ քննարկել է ԼՂ հակամարտությունը և հրադադարի ռեժիմի միանշանակ պահպանումը բոլոր կողմերից: Ընդգծվել է նաև, որ կողմերին անհրաժեշտ է բանակցություններ անցկացնել հակամարտության հիմնարար կարգավորման ուղղությամբ: ԱՄՆ պետքարտուղարը քննարկել է երկու առաջնորդների հետ նաև երկկողմ համագործակցության զարգացման ընթացքը: