Թուրքիայի նախագահ Ռեջեփ Թայիփ Էրդողանը կասկածի տակ է առել ԵՄ-ի «անկեղծությունը»` Քուրդիստանի աշխատավորական կուսակցության զինյալների դեմ պայքարում Թուրքիային ցուցաբերած աջակցության հարցում: Ստամբուլում ունեցած ելույթի ժամանակ Էրդողանը Եվրոպային «կեղծավորության» մեջ է մեղադրել: «Ինչպե՞ս կարող եք խոսել անկեղծության մասին, երբ ահաբեկչական կազմակերպությանը թույլատրվում է վրան տեղադրել Բրյուսելում` Եվրոպայի խորհրդի շենքի դիմաց», - ասել է Թուրքիայի նախագահը` անդրադառնալով անցյալ շաբաթ ԵՄ-Թուրքիա գագաթաժողովի ժամանակ քուրդ ակտիվիստների կողմից վրան տեղադրելուն: Այս միջադեպի, պատճառով Թուրքիան Բելգիայի դեսպանին կանչել է թուրքական ԱԳՆ: