Լեռնային Ղարաբաղում ուղղաթիռի խոցումից հետո անհրաժեշտ է, որպեսզի բոլոր կողմերը զսպվածություն ցուցաբերեն եւ խուսափեն ցանկացած գործողությունից եւ հայտարարությունից, որոնք կարող են սրել իրավիճակը: Այդ մասին ասվում է Եվրամիության կայքում: Եվրամիությունը կոչ է անում հետաքննել միջադեպը: «Եվրամիությունը կրկին հայտարարում է, որ լիովին աջակցում է ԵԱՀԿ Մինսկի խմբի ջանքերին: Կողմերը պետք է անվերապահորեն պահպանեն հրադադարի ռեժիմը, խուսափեն ուժի կիրառումից կամ ուժի կիրառման սպառնալիքից եւ վերականգնեն Լեռնային Ղարաբաղի հակամարտության խաղաղ կարգավորման ուղղությամբ ջանքերը»,- ասված է կոմյունիկեում: Հիշեցնենք, որ ԼՂՀ ՊՆ-ի փոխանցմամբ, ղարաբաղա-ադրբեջանական սահմանի արեւելյան հատվածի օդային տարածքում նոյեմբերի 12-ին, ժամը 13:45-ի սահմաններում ուսումնավարժական թռիչքի ժամանակ ադրբեջանական ԶՈւ-ի կողմից հրադադարի ռեժիմի խախտման արդյունքում խոցվել է ԼՂՀ ՌՕՈւ «Մի-24» ուղղաթիռը: Խոցման վայրը շփման գծին չափազանց մոտ է: Հակառակորդը շարունակում է տարբեր տրամաչափի հրաձգային զենքերից ինտենսիվ կրակ վարել դեպքի վայրի ուղղությամբ: Նախնական տեղեկություններով՝ երեք օդաչու զոհվել է, ուղղաթիռի հրամանատարն էր մայոր Սերգեյ Սահակյանը:
Բավ է պառակտվել