Ադրբեջանում Ֆրանսիայի դեսպան Պասկալ Մոնյեն կանչվել է երկրի ԱԳՆ՝ Լեռնային Ղարաբաղի Հանրապետության նախագահ Բակո Սահակյանի՝ մայիսի 17-19-ին Ֆրանսիա կատարած այցի առնչությամբ:
Ինչպես հայտնել է ԱԳՆ մամուլի ծառայության ղեկավար Հիքմեթ Հաջիևը, փոխարտգործնախարար Խալաֆ Խալաֆովը Ֆրանսիայի դեսպանին բողոքի նոտա է հանձնել:
Խալաֆովը նաև ընդգծել է, որ նման փաստերը, ինչպես նաև Ֆրանսիայի խորհրդարանի պատգամավորների մասնակցությունն «անօրինական խորհրդարանական ընտրություններին» որպես դիտորդներ հակասում են Ադրբեջանի և Ֆրանսիայի գործընկերային հարաբերություններին ու ԵԱՀԿ Մինսկի խմբում Ֆրանսիայի ունեցած մանդատին՝ որպես համանախագահ երկիր:
Մոնյեն խոստացել է նոտան և Ադրբեջանի անհանգստությունը փոխանցել Ֆրանսիայի իշխանություններին։
Բավ է պառակտվել