Երկար ժամանակ մասնագետները պնդում էին, որ Էբոլայի վիրուսը չի կարող օդով տարածվել՝ մարդուց մարդ փոխանցվելով միայն հիվանդի՝ վարակակիր կենսաբանական հեղուկի հետ անմիջական կոնտակտի դեպքում: Գիտնականներն ուսումնասիրել են այս հարցին վերաբերվող նախորդ հետազոտությունները՝ փորձելով պարզել, ինչն է հայտնի վիրուսի մասին, իսկ ինչը՝ ոչ: Պարզվեց, որ գիտությունը Էբոլայի մասին զուտ մոտավոր պատկերացումներ ունի: Եվ բացառված չէ, որ որոշ դեպքերում այն փոխանցվում է հենց օդով՝ աղեստամոքային համակարգում արտադրվող եւ թոքերի միջոցով օրգանիզմ մուտք գործող մասնիկների միջոցով: Հիշեցնենք, որ գիտնականների մեծամասնությունը պնդում է, որ Էբոլայի վիրուսը մուտացիայի է ենթարկվում, ինչպես եւ բոլոր մնացած վիրուսները: Մասնագետների պնդմամբ՝ մոտ ապագայում Էբոլան տարածվելու է օդով: Այնումենայնիվ, գիտնականներից շատերը շարունակում են պնդել, որ վիրուսը փոխանցվում է միայն հիվանդի կենսաբանական հեղուկի հետ անմիջական կոնտակտի դեպքում եւ դրա օդակաթիլային փոխանցման հնարավորությունը չափազանց փոքր է: