Փորձելով որքան հնարավոր է արագ ազատվել ատելի դարձած ճարպային շերտից, մենք մի շարք սխալներ ենք գործում:
Այլևս չե՞ք կարողանում «տեղավորվել» սիրելի ջինսերի մեջ: Կշեռքն օրեցօր միևնույն թի՞վն է ցույց տալիս: Իսկ գուցե ավելորդ կիլոգրամները վերադառնում են նույնքան արագ, որքան արագ որ գնացե՞լ էին: Հավանաբար դիետայի ընթացքում Դուք անզգուշորեն թույլ եք տվել ստորև թվարկված սխալներից մեկը:
Մենք կպատմենք Ձեզ այն ամենի մասին՝ ինչը չի կարելի անել դիետայի ընթացքում:
1.Դիմել խիստ դիետաների.
Ենթադրենք, Դուք արագ նիհարելու նպատակ եք դրել: Ի՞նչ եք անում այդ դեպքում: Սկսում եք խիստ սահմանափակել Ձեր սնունդը: Ձեր մենյույում հանդիպում են միայն գրեյֆրուտներ ու դդմիկով ապուր: Օրվա ընթացքում Ձեր օգտագործած կալորիաների քանակը չի անցնում 1000-ից:
Հաշվի առեք, որ կրճատելով կալորիաների քանակը Դուք դանդաղեցնում եք մետաբոլիզմը: Եվ այն բանից հետո, երբ Դուք կնիհարեք, և « կցատկեք» դիետայից, Ձեր օրգանիզմը, որը արդեն սովորել էր կալորիաները դանդաղ այրելուն, սննդակարգում ուտեստների ավելացման արդյունքում կրկին կսկսի քաշ հավաքել, և Ձեր ավելորդ կիլոգրամները արագորեն կվերադառնան:
2. Հրաժարվել նախաճաշից.
Հրաժարվելով նախաճաշից Դուք կարծես թե կրճատում եք կալորիաների քանակը: Բայց առանց նախաճաշի Դուք շատ արագ «գազանային» սով կզգաք: Սովը հաղթահարելու նպատակով Դուք կսկսեք փոքր-փոքր քանակությամբ ուտել ինչ ասես, կամ էլ կդիմանաք մինչև ճաշը, և կրկնակի բաժին կուտեք: Այդպիսով Դուք լիովին կլրացնեք նախաճաշի ընթացքում բաց թողածը:
Այ, իսկ սպիտակուցներով հագեցած նախաճաշը Ձեզ զերծ կպահի սովի զգացումից՝ ողջ օրվա ընթացքում: Հետազոտությունները ցույց են տալիս, որ մարդիկ, ովքեր չեն հրաժարվում նախաճաշից, շատ ավելի հեշտ և արագ են նիհարում:
3. Օրվա ընթացքում անկանոն կերպով նախուտեստների ընդունում.
Գուցե Դուք հաշվում եք նախաճաշին, ճաշին կամ ընթրիքին ընդունած կալորիաները, իսկ ի՞նչ կասեք օրվա ընթացքում անկանոն կերպով փոքր չափաքանակներով ընդունած սնունդի մասին: Մի տուփ թխվածքաբլիթ՝ աշխատանքային սեղանին, մի կտոր տորթ՝ երեկույթին, մի փոքր պաղպաղակ՝ Ձեր երեխայի բաժակից...Արդյունքում, այս բոլոր մանրուքներից ստացվում է չնախատեսված կալորիաների զգալի քանակություն:
Եթե հաշվել, ուրեմն հաշվել ա՛յն ամենը, ինչ Դուք կերել եք ողջ օրվա ընթացքում: Հատուկ ծրագիր վերբեռնեք Ձեր սմարթֆոնին և հաշվեք յուրաքանչյուր կալորիան:
4. ...կամ հակառակը՝ օրվա ընթացքում նախաճաշի, ճաշի և ընթրիքի արանքում ոչինչ չուտել.
Անկանոն կերպով նախուտեստներ կիրառելը կարող է ի դերև հանել քաշի նվազեցման հետ կապված Ձեր ձեռքբերումները: Բայց եթե դա մտածված կերպով անեք, ապա ցանկալի արդյունքին շատ ավելի շուտ կհասնեք: Ավելի լավ է քիչ-քիչ , բայց հաճախ ուտեք, քան օրական երկու անգամ, բայց՝ շատ:
Օրվա ընթացքում նախաճաշի, ճաշի և ընթրիքի արանքում կերած մանր-մունր սնունդը օգնում է պահպանել մետոբոլիզմի օպտիմալ արագությունը՝ մանավանդ, եթե Դուք սպիտակուցներով հարուստ նախուտեստներ եք ուտում: Մի քանի ընկույզը Ձեզ ո՛չ միայն չի խանգառի, այլ ընդհակառակը՝ կօգնի ազատվել ավելորդ կիլոգրամներից:
5. Հույսը դնել բացառապես յուղազատված մթերքների վրա.
Յուղազատված մթերքները կարող են կարևոր դեր խաղալ Ձեր դիետայում: Պարզապես մի մոռացեք, որ յուղազատվածն ու ցածր կալորիականություն ունեցողը նույն բանը չեն: Ուտելով կես կիլոգրամ յուղազատված թխվածք Դուք ավելի շատ կալորիաներ կստանաք, քան այն պարագայում, եթե մի կտոր սովորական թխվածք ուտեիք: Իմանալու համար, թե որքան կալորիաներ եք ընդունել այս կամ այն սննդամթերքն ուտելիս՝ ուսումնասիրեք դրա տուփի վրայի սննդարար արժեքի մասին պատմող տեղեկատվությունը:
6. Անտեսել ընդունած ըմպելիքները.
Կալորիաները հաշվարկելիս մենք հաճախ անտեսում ենք խմիչքները, և՝ իզուր: Սուրճի որոշ տեսակներում, կամ ալկոհոլային խմիչքներում կարող են բավականաչափ կալորիաներ պարունակվել: Ու իհարկե, դրանք կան նաև հյութերում և գազավորված ըմպելիքներում:
7. Քիչ քանակությամբ մաքուր ջուր խմել.
Այս սխալն ուղղելն ամենից հեշտն է: Եվ ուղղել հարկավոր է որքան հնարավոր է շուտ, քանի որ ջրազրկումը հանգեցնում է մետաբոլիզմի դանդաղեցմանը, ինչն էլ իր հերթին հանգեցնում է քաշի նվազեցման դանդաղեցմանը: Ամեն անգամ սնունդ ընդունելիս մեկ բաժակ ջուր խմեք՝ նույնիսկ, եթե դա չնչին նախուտեստ է: Ջուրը պարզապես անհրաժեշտ է կալորիաներ այրելու համար:
8. Անհասանելի նպատակներ դնել.
Եթե Դուք նպատակ եք դրել 7 կիլոգրամ քաշ գցել դիետայի արդեն առաջին շաբաթում, ապա իմացեք, որ Ձեր ծրագիրը ձախողման է դատապարտված: Ձեր առաջ անհնար նպատակ դնելով, ամենայն հավանականությամբ Դուք չեք էլ սկսի քայլեր անել՝ դրան հասնելու համար: Ռեալ նպատակ՝ դա՛ է հաջողության առաջին և ամենակարևոր գրավականը: Նպատակ դնելուց առաջ խորհրդակցեք Ձեր դիետոլոգի հետ:
9. Հրաժարվել կաթնամթերքից.
Բարձր յուղայնությամբ կաթը, պանիրը և պաղպաղակը իհարկե տաբու են այն մարդու համար, ով երազում է նիհարել: Բայց կաթնամթերքից լիովին հրաժարվել՝ չարժե: ճարպերն ակտիվորեն այրելու համար օրգանիզմին կալցի է անհրաժեշտ և ընդհակառակը՝ կալցիի պակասի դեպքում ճարպերն արագորեն կուտակվում են:
Բայց սննդային հավելումների տեսքով կալցին այնքան օգտակար չէ, որքան այն, որը պարունակվում է կաթի մեջ: Պարզապես Ձեր ընտրությունը կանգնեցրեք յուղազերծված կաթնամթերքի վրա, բայց միևնույն ժամանակ հետևեք կալորիաներին:
10. Հաճախ այցելել արագ սննդի կետեր.
Ծանր աշխատանքային օրվանից հետո կարելի է սնվել արագ սննդի կետերում՝ մանավանդ, որ այնտեղ վաճառվում են ոչ միայն համբուրգերներ, այլ նաև աղցաններ: Բայց կդիմակայե՞ք արդյոք գայթակղությանը: Իսկ ինքներդ Ձեզ ինչ-որ վնասակար, բայց համեղ բան թույլ տալուց հետո, արդյո՞ք հաջորդ օրը նույն հաստատություն չեք վերադառնա: «Ֆասթ ֆուդ»-ի հետ ընդունած կալորիաներից ազատվելը ծայրահեղ դժվար է, իսկ վնասակար սնունդը շատ արագ սովորություն է դառնում...: