Դոնորի ազգային օրվա կապակցությամբ Հայաստանի Հանրապետությունում տեղակայաված ռուսաստանյան ռազմաբազայի ավելի քան 300 զինծառայող, ինչպես նաև նրանց ընտանիքների անդամները կամավոր կերպով արյուն հանձնեցին Հայաստանի բուժձեռնարկությունների համար: Այդ մասին հայտնում է Հարավարևելյան ռազմական շրջանի մամուլի ծառայությունը: Այդ ամենամյա բարեգործական ակցիան տեղի է ունենում արդեն հինգերորդ անգամ: Նախորդ տարիներին Հարավարևելյան ռազմական շրջանի զինծառայողները ընդհանուր առմամբ շուրջ 500 լիտր արյուն են հանձնել: Այս տարի հիվանդներին նախատեսվում է փոխանցել ևս 100 լիտր դոնորների արյուն: Ակցիայի ընթացքում, որը տեղի կունենա ապրիլի 20-24-ը է Հարավարևելյան ռազմական շրջանի թիվ 1602 ռազմական հոսպիտալի կառուցվածքային ստորաբաժանման մասնագետները արյունը վերցնում են Գյումրիի ռազմաբազայի տարածքում: Յուրաքանչյուր զինծառայող միջինը կհանձնի շուրջ 200 մլ արյուն, իսկ փորձառու դոնորները՝ 350-400 մլ արյուն: Արյան ստուգումներից հետո այն կտեղափոխվի Հայաստանի բուժհաստատությունները ծանր վիրահատման ենթարկված, հեմոֆիլիայից տառապող, ինչպես նաև արյան մեծ կորուստ ունեցող հիվանդների համար: «Հոսպիտալում կան արյան խումբը, ռեզուսը, ինչպես նաև վարակների առկայությունը ստուգող բոլոր սարքավորումները և հնարավորությունները: Դոնորներից շատերը իրենց ինքնազգացողությունում որևէ փոփոխություններ չեն զգում: Սակայն գրեթե յուրաքանչյուրը դրական զգացմունքներ է ունենում՝ գիտակցելով, որ բարի գործ է կատարել, օգնել է փրկել ինչ-որ մեկի կյանքը», - նշել է զինվորական հոսպիտալի պետ, բուժծառայության փոխգնդապետ Ֆելիքս Գորլովը:
Բավ է պառակտվել