Apple ընկերությունը հայտարարել է, որ «մաքրում» է հավելվածների խանութը վնասակար ծրագրերից, որոնք հայտնվել են խոշոր հաքերային հարձակումից հետո:
Apple-ը ստիպված է եղել հայտարարել իր գործողությունների մասին այն բանից հետո, երբ կիբեռանվտանգության ոլորտի մի շարք ընկերություններ հայտնել են XcodeGhost վնասակար ծրագրի մասին, որը հայտնվել է հարյուրավոր օրինական հավելվածներում։
Հաքերներին առաջին անգամ է հաջողվել այսպես լայնորեն տարածել վիրուսային կոդը հավելվածներում՝ շրջանցելով պաշտպանության ամուր համակարգը։
Ներկայում չինական Qihoo360 Technology Co ընկերությունը հայտնաբերել է 344 վարակված հավելված։ Որքանն է արդեն հեռացվել App Store-ից՝ հայտնի չէ։
Ընկերությունը չի հայտնել՝ ինչ միջոցներ պետք է ձեռնարկեն iPhone և iPad սարքավորումների օգտատերերը՝ պարզելու համար իրենց սարքավորումների վարակվածությունը։
Բավ է պառակտվել