05-07-2016 11:29

Ապագայի տրանսպորտը (տեսանյութ)

Չինացիները վերգետնյա ավտոբուս են ստեղծել, որը կարող է մինչև 1400 ուղևոր տեղափոխել

Նորարության հեղինակները վստահ են, որ այս ավտոբուսը կլուծի խոշոր քաղաքներին բնորոշ խցանումների խնդիրը։ Ավտոբուսի կառուցվածքը թույլ կտա ուղևորներին տեղափոխել ավտոճանապարհի վրայով, իսկ ավոտմեքենաները կկարողնան հանգիստ տեղաշարժվել ավտոբուսի տակով: Կոնստրուկտորները պնդում են, որ ավտոբուսը ճանապարհի երկու երթևեկելի գոտի կզբաղեցնի:

Ավտոբուսի ստորին հատվածում մեքենաների համար անցանելի տարածություն կա, որի բարձրությունը ավելի քան երկու մետր է կազմում, ինչը թույլ կտա, որ մարդատար ավտոմեքենաներն ազատ տեղաշարժվեն ավտոբուսի տակով: Ներսից այն բավական հարմարավետ է ու ընդարձակ, միաժամանակ կարող է մինչև 1400 ուղևոր տեղափոխել: Արտաքինից այն ժամանակակից գնացք է հիշեցնում:

Ավտոբուսն էլեկտրական է, ինչի շնորհիվ վառելիքի ծախսերը կրճատվում են և լուծվում է ևս մեկ խնդիր` շրջակա միջավայրի աղտոտման հարցը: