ԱՄՆ Թուսոն քաղաքի Մոլորակաբանության ինստիտուտը հրապարակել է Մարսի այն հատվածի լուսանկարը, որտեղ ավելի քան 3 մլրդ տարի առաջ կարող էր բնակեցված լիճ գտնվել: Հետազոտության հեղինակ Ալեքսիս Ռոդրիգեսի խոսքով` լիճը գտնվել է Մրասի խոշորագույն Գիշերվա լաբիրինթոսում:
Լիճը սնուցվել է ենթամակերեսային աղբյուրներից, իսկ ջերմաստիճանային պայմանները բարենպաստ են եղել կյանքի գոյության համար: Հնագույն լճի հավանական պայմաններն ուսումնասիրելու համար գիտնականը ամռանը մտադիր է մեկնել Տիբեթ, որտեղ ջրային մարմինների պայմանները, ըստ գիտնականի, նման են մարսիականին: