21-02-2015 10:04

Հարավային Կալիֆորնիայի համալսարանը Հայոց Ցեղասպանության մասին կայք է ստեղծել

Հարավային Կալիֆորնիայի համալսարանը Year100.org կայք է ստեղծել՝ նվիրված Հայոց ցեղասպանության 100-րդ տարելիցին: «Այս կայքը ոչ միայն տեղեկատվական է, այն գիտական եւ հասարակական մտքի ուղղության արտահայտողն է»,- հայտարարել է Հայկական հետազոտությունների ինստիտուտի տնօրեն Սալբի Ղազարյանը: Կայքը եռալեզու է՝ անգլերեն, հայերեն եւ թուրքերեն, եւ գիտնականներին, ուսանողներին եւ ընթերցողների լայն շրջանակին ներկայացնում է Ցեղասպանության պատմությունն ու դրա ուսումնասիրության ժամանակակից միտումները: Կայքում հրապարակվել են ամբողջ աշխարհի հայ լուսանկարիչների տասնյակ լուսանկարներ այսօրվա եւ ապագայի հանդեպ հայ ժողովրդի հանդեպ հույսի մասին: Կայքի նախաձեռնողները Հայոց ցեղասպանությանը նվիրված ցանկացած հետազոտության հեղինակներին հրավիրում են իրենց ծրագրերի մասին տեղեկությունները ներկայացնել ըստ հասցեի: «Նախանշված միջոցառումներն են՝ ընթերցանությունը, համերգները, գրքերը, համաժողովները, ցուցահանդեսները, դասախոսությունները, իսկ Հարավային Ամերիկայից մինչեւ Հարավ-Արեւելյան Ասիա ընկած աշխարհագրությունը կօգնի տարածել պատմության մասին վկայությունները, նպաստել այն ավելի լավ ըմբռնելուն»,- հավելել է Ղազարյանը: