Google ընկերությունը մինչև տարվա վերջ կսկսի թարմ սնունդ մատակարարել ԱՄՆ-ի մի շարք քաղաքներում՝ Amazon-ի և Instacart ստարտափի հետ մրցակցության շրջանակում:
Սննդի առաքման ծառայությունը կգործարկվի Սան Ֆրանցիսկոյում, իսկ ավելի ուշ կփորձարկվի ևս մեկ ամերիկյան քաղաքում, հայտնել է Google Express-ի գլխավոր տնօրեն Բրայն Էլիոթը:
Ավելի վաղ Google-ի այդ ստորաբաժանումն արդեն զբաղվել է մի շարք ապրանքների, այդ թվում՝ երկար պահվող մթերքի առաքմամբ։
Ավելի վաղ Google-ը հայտարարել է սննդամթերքի լուսանկարով կալորիաների հաշվարկի համար նախատեսված տեխնոլոգիայի ստեղծման մասին, ինչպես նաև ներկայացրել է փոքրիկ սենսորներ, որոնք հետևում են արյան մեջ շաքարի մակարդակին։