Բեռլինը հակալրտեսական համակարգով բջջային հեռախոսներ է մշակում, գրում է ANSA-ն: Դրա դրթապատճառը՝ ԱՄՆ հատուկծառայությունների կողմից գերմանական ղեկավարության հեռախոսների գաղտնալսումն է: Այդ առնչությամբ որոշվել է հատուկ հեռախոսներ թողարկել Անգելա Մերկելի, ինչպես նաև նախարարների ու բարձրաստիճան պաշտոնյաների համար: Հեռախոսներն ունեն անվտանգության և հակագաղտնալսման բարդ համակարգ, որը կարող է խոչընդոտել գաղտնի տվյալների արտահոսքին: Հեռախոսի արժեքը չի հաղորդվում, սակայն հայտնի է, որ այն թանկ է: Ընդհանուր առմամբ կարտադրվի մոտ 2000 հեռախոս: Սահմանադրության պաշտպանման դաշնային ծառայության ղեկավար Հանս-Գեորգ Մասենը կոչ է արել քաղաքական գործիչներին՝ բջջայինով չքննարկել հարցեր, որոնց մասին կարելի է խոսել անձնական հանդիպման ժամանակ:
Բավ է պառակտվել