Ամերիկյան Apple տեխնոլոգիական ընկերությունը պատրաստվում է սեպտեմբերի 9-ին հանրության դատին ներկայացնել նոր սերնդի iPhone սմարթֆոնը։
Երկար սպասված նորույթի շնորհանդեսը կկազմակերպվի հատուկ միջոցառման շրջանակում:
Հայտնի է, որ նոր սերնդի սմարթֆոնը համալրված կլինի Force Touch էկրանով, A9 պրոցեսորով, ավելի արագ LTE կապով: Միջոցառման ժամանակ ծրագրված է նաև կատարելագործված Apple TV հեռուստացույցի և iPad-ի նոր մոդելի շնորհանդեսը:
Ենթադրվում է, որ եթե Apple-ն իրոք սեպտեմբերի 9-ին ներկայացնի նոր iPhone-ը, ապա սարքի նախնական պատվերները կսկսի ընդունել ամսի 11-ից: