Այսօր հարվիրված ասուլիսի «Հայաստանի ուղևորափոխադրողների միության» նախագահ Հրանտ Եղիազարյանն ասաց, որ ուղևորափոխադրող ընկերությունները կանգնել են անելաների իրավիճակի առաջ, մի մասը սկսել են հրաժարվել երթուղիների սպասարկումից, մի մասն էլ ընդհանրապես փակվել է: «Ուղևորափոխադրողներն իրենց խնդիրներին լուծում տալու խնդրանքով դիմել են Հանրապետության Նախագահին, վարչապետին, քաղաքապետին: Ազգային ժողովում հարց է բարձրացվում, որ Երևան քաղաքը պետք է ունենա միայն մեկ օպերատոր, ինչն էլ նշանակում է, որ մենք ունենում ենք նույն օլիգարխիկ մոտեցումը այս ոլորտին, ինչը որ ունենք բազմաթիվ ոլորտներում»,- ասաց «Հայաստանի ուղևորափոխադրողների միության» փոխնախագահ Հարություն Առաքելյանը: Վերջինիս խոսքով՝ այս դեպքում ունենալով մեկ ուղևորափոխադրող օպերատոր, կունենաք երթևեկության այն գինը, ինչը նա կցանկանա:
Միության նախագահի համոզմամբ՝ եթե Երևանում սկսի գործել մեկ օպերատոր, ապա տրանսպորտի սակագինը կկազմի 250-ից ավելի, իսկ 55 ընկերությունների տնօրեններ, 55 հաշվապահ և բազմաթիվ մարդիկ կմնան անգործ:
Բավ է պառակտվել