Ռուսաստանը եւ Սերբիան պատրաստ են առաջիկա օրերին «Հարավային հոսքի» վերաբերյալ համաձայնագիր ստորագրել: Այս մասին հայտարարել է ՌԴ վարչապետ Դմիտրի Մեդվեդեւն իր սերբ գործընկեր Ալեքսանդր Վուչիչի հետ բանակցություններից հետո:
Սերբիայի վարչապետն իր հերթին հաստատել է, որ գազատարի ծրագրի շուրջ միայն տեխնիկական հարցեր են մնացել, որոնք «արագորեն լուծվում են»:
ԻՏԱՌ-ՏԱՍՍ-ի փոխանցմամբ, ծրագրի իրականացումը նպաստելու է ռուսական գազը եվրոպացի սպառողներին հասցնելու հուսալիությանը:
«Այն, որ սա առաջնահերթ եւ շատ լուրջ ծրագիր է, ակնհայտ դարձավ բոլորի համար, այդ թվում՝ Ուկրաինայի իրադարձությունների համատեքստում,- հայտարարել է Մեդվեդեւը:- Հույս ունեմ, որ այն կնպաստի առաջիկա տասնամյակների ընթացքում ռուսական գազը եվրոպական սպառողներին հասցնելու հուսալիության ապահովմանը»: