Շանհայան համագործակցության կազմակերպության մասնակից երկրները քննարկում են ՇՀԿ շրջանակներում ազատ առևտրի գոտու ստեղծման հարցը։ Այս մասին կազմակեպության անդամ պետությունների վարչապետների խորհրդի ընդլայնված նիստին հայտարարել է Չինաստանի վարչապետ Լի Կեցյանը։ «Քիչ առաջ նեղ կազմով նիստի ընթացքում մենք պայմանավորվեցինք, որ հանձնարարենք առևտրի և էկոնոմիկայի նախարարներին մշակել լուրջ, հստակ միջոցառումներ՝ ուղղված ՇՀԿ շրջանակներում ազատ առևտրի գոտու ստեղծմանը՝ ստեղծելու ավելի բարենպաստ պայմաններ ՇՀԿ շրջանակներում առևտրի զարգացման համար»,- ասել է Լի Կեցյանը։ Նա հիշեցրել է, որ ՇՀԿ շրջանակներում արդեն ստեղծվել է առևտրի պայմանների պարզեցման հատուկ աշխատանքային խումբ, ինչպես նաև կոչ է արել ջանքեր ներդնել այդ ուղղությամբ համատեղ աշխատանքում, որպեսզի մինչև 2020 թվականն անցում կատարվի ապրանքների, կապիտալների, ծառայությունների ու տեխնոլոգիաների ազատ տեղաշարժին։
Բավ է պառակտվել