Այսօր կայացած մամուլի ասուլիս ընթացքում «Ներազգային Ազատագրական» շարժման հիմնադիր Վահան Մարտիրոսյանը հայատարարեց, որ «ՀայՌուսգազարդի» մի աշխատակից «Ներազգային ազատագրական շարժմանը» ներկայացրել է մի սարքի լուսանկար, որի մասին հայտնել է, որ այդ սարքով գազը ազոտի միջոցով կալորիազրկվում է և դրա հետևանքով ավելանում է գազի ծավալը։
«Կարող եմ ներկայացնել կաթի օրինակով, երբ օրինակ՝ կաթը 30 անգամ ջրով բացեն , ծավալը լիտրերով կավելանա, այ այդպես իրենց ներքին ռեզերվուրներում գցում են գազի կալորիականությունը»,– ասաց նա: Բանախոսի խոսքով՝ սահմանի վրա գալիս է բարձր կալորիականությամբ x ծավալի գազ, քանի որ «հինգ տեղ ստուգվում է», սակայն գազը կալորիազրկվելով, ավելանում է, դառնում y քանակությամբ և տրամադրվում է բնակչությանը: Վերջինիս տեղեկացմամաբ՝ սա նոր չէ, նման նախադեպ եղել է Ուկրաինայում, որտեղ բանը հասել է մինչև դատական պրոցեսի, քանի որ Ուկրաինայում Գիտությունների ազգային ակադեմիան կարողացել է ապացուցել, որ գազն անորակ է:
Լրագրողների հարցին, թե այդ ինչպե՞ս է որ Ձեր փասատրկներին հակառակ լաբորատորիաների ստուգումները հաստատում են գազի կալորիական լինելը, բանախոսն ասաց. ՙԱյդ լաբորատորիաները պատկանում են «ՀայՌուսգազարդին», այսինքն՝ իրենք իրենց ստուգում են: Մեկնաբանություններն ավելորդ են՚: Ավելին, նրա համոզմամբ, եթե ստուգեն ոչ թե հեղուկ գազը, այլ՝ օդը, որ շնչում է ՀՀ քաղաքացին, այդ սարքավորումները միևնույն՝ է ցույց կտան, որ այդ օդը ջերմազատում է 7600 կալորիա, ինչը նախատեսված է ԳՕՍՏ-ով:
Բավ է պառակտվել