Դեկտեմբերի 22-ին Դամասկոսի Հայոց թեմի առաջնորդ Արմաշ սրբազան Նալբանդյանի և ազգային իշխանության ներկայացուցիչների ուղեկցությամբ Սիրիայում ՀՀ դեսպան Արշակ Փոլադյանը հանդիպեց Անտիոքի և Համայն Արևելքի հույն ուղղափառ եկեղեցու պատրիարք Յուհաննա 10-րդի և Անտիոքի և Արևելքի ուղղափառ ասորիների պատրիարք, Նորին Սուրբ Օծություն Իգնաթիոս Աֆրամ 2-րդի հետ: Քննարկվեցին Մերձավոր Արևելքում, հատկապես Սիրիայում, հակամարտության հետևանքով ստեղծված իրավիճակը, Մերձավոր Արևելքի քրիստոնյաներին առնչվող խնդիրները, տարածաշրջանային այլ հարցեր: Անդրադարձ եղավ Հայոց ցեղասպանության 100-ամյա տարելիցին նվիրված ձեռնարկներին: