Այսօր լրագրողներ հետ հանդիպման ընթացքում Ավտոներկրողների միության նախագահ Տիգրան Հովհաննիսյանը նշեց, որ իրենք պահանջում են կարգավիճակ, կլինի լիցենզավորման, թե տարեկան վճարումի տեսքով. ՙՀոգնել ենք հարկային դաշտից դուրս գտնվելուց: «Դալալ» հասկացությունը պետք է վերանա մեր բառապաշարից»,-նշեց նա: 2009 թ. «Ավելացված արժեքի հարկի» մասին օրենքով սահմանվեց, որ երկրորդ մեքենան կամ բնակարանը դիտվում է որպես ձեռնարկատիրություն և պետք է վճարել ավելացված արժեքի հարկ:
«Մենք մաքսազերծում ենք կատարում և դրանից բացի ներկրած երկրորդ մեքենայից սկսած վճարում ենք 20% ավելացված արժեքի հարկ: Այդ պատճառով էլ ստիպված ենք լինում երկրորդ մեքենան ներկրելու համար խնդրել որևէ մեկին` այն ներկրել իր անունով»,-հայտնեց բանախոսը: ՙՄենք առաջարկում են բացի մաքսազերծման գներից վճարել նաև, օրինակ, 1000 դոլարին համարժեք դրամ և կարողանալ մեծաքանակ թվով մեքենաներ ներկրել: Մենք այս խնդրի մասին բարձրաձայնել են դեռ երկու-երեք տարի առաջ, սակայն այն մնացել են անարձագանք՚,-նշեց Տիգրան Հովհաննիսյանը: Վերջինիս համոզմամաբ, երբ մտնենք Մաքսային միություն ու պատասխանատու օղակները տեսնեն, որ հազարավոր ավտոներկրողներ դուրս են մնում աշխատանքից և բյուջե ինչքան փող չի մտնումւ, այ այն ժամանակ սրտները կցավա: