09-11-2016 10:40

Հայաստանը` բիզնես սկսելու համար ամենանպաստավոր երկրների 10-ում

Համաշխարհային տնտեսական համաժողովը կազմել է երկրների 10-յակը, որտեղ առավել հեշտ է բիզնես սկսել:

Հետազոտության հեղինակները որպես աղբյուր օգտագործել են Համաշխարհային բանկի Doing Business-2017-ը և դիտարկել են բյուրոկրատական, ֆինանսական ու օրենսդրական խոչընդոտները, որոնց բախվում են ձեռնարկատերերը:

Հայաստանն այդ ցուցակում 9-րդ հորիզոնականում է և միակ երկիրն է «միջինց ցածր եկամուտով», որն ընդգրկվել է առաջին տասնյակում: Հատկանշական է, որ 2015-ին Հայաստանը նմանատաիպ վարկանիշում 5-րդն էր:

2016-ի ցուցակում առաջին 3 տեղերում են Նոր Զելանդիան, «որտեղ կարելի է բիզնես սկսել ժամերի ընթացքում», Կանադան, որտեղ «բիզնես հիմնելու համար ընդամենը 2 գործողություն է պահանջվում» և Հոնկոնգը, որը բարելավել է դիրքը 1 կետով «բիզնեսի գրանցման համար վճարի նվազեցման շնորհիվ»:

4-ը Մակեդոնիան է, 5-ը` Ադրբեջանը, 6-ը` Սինգապուրը, 7-ը` Ավստրալիան, 8-ը` Վրաստանը: Վերջին` 10-րդ տեղում Իռլանդիան է, որը ԵՄ միակ երկիրն է այդ ցանկում:

Doing Business 2017 զեկույցում Հայաստանը բարելավել է իր դիրքը 5 կետով` զբաղեցնելով 38-րդ տեղը 190-ի շարքում: