01-06-2015 13:22

Նաոմի Քեմփբելի ծննդյան օրվա հյուրերը ստիպված են եղել վճարել մուտքի համար

Սուպերմոդել Նաոմի Քեմփբելը շքեղ երեկույթ է կազմակերպել իր ծննդյան 45-ամյակի առթիվ ֆրանսիական Շատո Սեն- Ժանետ ամրոցում, որտեղ մեկշաբաթյա հանգիստը գերազանցում է 150.000 դոլարը։ Սակայն մուտքի մոտ հյուրերը ստիպված են եղել գումար վճարել սեփական գրպանից: 
Իհարկե, Քեմփբելի մտերիմ ընկերները կարողացել են երեկույթին անվճար ներկա լինել։ Նրանց թվում են եղել Լեոնարդո ԴիԿապրիոն, Մերի Ջեյ Բլայջը, Քենդալ Ջեները և այլ հայտնիներ։ 
Իսկ ահա հրավիրված գործարարները և միլիարդատերերը վճարել են 1800-ական դոլար մուտքի համար։ Ըստ լուրերի՝ շատ հյուրեր բավականին դժգոհ են եղել երեկույթից, քանի որ հոբելյարը բարեհաճել է իջնել նրանց մոտ միայն կեսգիշերին մոտ՝ հյուրերի հավաքվելուց 3 ժամ անց։ 
Ի դեպ, բոլոր միջոցները մոդելը խնդրել է փոխանցել Fashion For Relief բարեգործական հիմնադրամին։