Կոլումբիացի գրող, գրականության Նոբելյան մրցանակի դափնեկիր Գաբրիել Գարսիա Մարկեսը վախճանվել է երիկամային անբավարարությունից և դրան հաջորդած շնչառական հիվանդությունից: Մարկեսը մահացել է ապրիլի 17-ին` Մեխիկոյում, 87 տարեկան հասակում: Ավելի վաղ նա հիվանդանոց էր տեղափոխվել ինֆեկցիայի պատճառով: Գրողի մարմինը ընտանիքի ցանկությամբ դիակիզման են ենթարկելու` փակ արարողության ընթացքում: